Hierdie gaan die platform wees waar ons mekaar gaan bemoedig, aanmoedig en verantwoordbaar hou. Probeer om een keer 'n week hier 'n draai te maak. Elke week Saterdag-aand sal daar 'n vraag wees. Lees dit skryf jou gedagtes neer. Lees ook ander se boodskappe en antwoord ten minste een persoon. Ons gaan probeer om mekaar te help in die beoefening van die geestelike dissiplines. Probeer om jou reaksie op ander se boodskappe te skryf met dié gedeelte in Romeine in gedagte:
" Julle liefde moet ongeveins wees. Verafsku die kwaad; hou vas aan die goeie. Julle moet mekaar liefhê met innige broederliefde. Gaan mekaar voor in eerbetoning. Moenie traag wees in julle toewyding nie; bly geesdriftig; hou vol om die Here te dien. Verbly julle in die hoop; wees standvastig wanneer julle swaarkry; volhard in die gebed. Betoon meelewing met die behoeftes van die heiliges."
Romeine 12: 9 - 13
